Fundur hjá sveitarstjórn Dalabyggðar í dag. Þar var meðal annars tekið fyrir eftirfarandi:
| 10. 2003042 – Hróðnýjarstaðir – breyting á aðalskipulagi vegna vindorkuvers |
| Fyrir liggur tillaga að breytingu á aðalskipulagi Dalabyggðar 2004-2016 vegna vindorkuvers í landi Hróðnýjarstaða. |
| Dalabyggð óskaði með erindi dags. 19. október 2021 skv. 3. mgr. 32. gr. skipulagslaga staðfestingar Skipulagsstofnunar á breytingu á aðalskipulagi sveitarfélagsins vegna iðnaðarsvæðis í landi Hróðnýjarstaða fyrir vindorkuver.
Skipulagsstofnun vísaði með bréfi dags. 28. desember 2021, staðfestingu breytingar á aðalskipulagi Dalabyggðar til ákvörðunar ráðherra sbr. 4. mgr. 32. gr. skipulagslaga nr. 123/2010. Skipulagsstofnun vísaði m.a. í skilmála skipulagsreglugerðar nr. 90/2013 þar sem segir að svæði í biðflokki rammaáætlunar skuli skilgreind sem varúðarsvæði en skilgreining varúðarsvæðis felur m.a. í sér takmörkun á landnotkun. Þann 6. apríl 2022 barst ákvörðun ráðherra þar sem synjað er um staðfestingu á breytingum á aðalskipulagi sveitarfélagsins varðandi vindorkuver á Hróðnýjarstöðum. Í kjölfar athugasemda Skipulagsstofnunar og ákvörðunar ráðherra hafa skipulagsgögn verið lagfærð með þeim hætti að fyrirhugað iðnaðarsvæði er nú skilgreint sem varúðarsvæði. Sveitarstjórn samþykkir breytingu á aðalskipulagi sveitarfélagsins vegna vindorkuvers í landi Hróðnýjarstaða og að breytingin taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 32. gr. skipulagslaga nr. 123 /2010. Samþykkt samhljóða. |
| 7358-006-ASK-008-V01 Hróðnýjarstaðir vindorkugarður askbr lokaskjal.pdf |
