Hvað eru 600 hektarar?
Forsvarsmenn Storm Orku ehf sem áforma að setja á fót vindorkuver í landi Hróðnýjarstaða hafa sagt að áætlað sé að virkja allt að 130 megavött (MW) af raforku á svæðinu. Þá mun heildar landþörf verkefnisins vera um 600 hektarar. Hér til hægri má sjá fjögur kort þar sem blár flötur sem samsvarar 600 hekturum hefur verið lagður yfir, Akranes, Reykjavík, Hafnarfjörð og Stykkishólm svo hægt sé að átta sig á stærð landsins sem verkefnið þarfnast á Hróðnýjarstöðum.
